Қасым-Жомарт Тоқаев бюджеттік жоспарлау мәселелері жөнінде кеңес өткізді

Уақыты: 2019-08-27 Көрлімі: 101 Сипаттама

«Ақорда» резиденциясында Мемлекет басшысының төрағалығымен бюджеттік жоспарлау мәсе...

F5D8999F-2F90-4C42-BFA5-15E7A2604F1B.jpeg

«Ақорда» резиденциясында Мемлекет басшысының төрағалығымен бюджеттік жоспарлау мәселелері жөнінде кеңес өтті, деп Ақорданың Баспасөз қызметіне сілтеме жасап xабарлаймыз.

Жиынға Премьер-министр Асқар Мамин, Премьер-Министрдің бірінші орынбасары – Қаржы министрі Әлихан Смайылов, Премьер-министрдің орынбасарлары – Бердібек Сапарбаев пен Жеңіс Қасымбек, Ұлттық экономика министрі Руслан Дәленов, Есеп комитетінің төрағасы Наталья Годунова, сондай-ақ Президент Әкімшілігінің басшылығы қатысты.

Кеңес барысында Президентке республикалық бюджеттің алдағы үш жылға арналған жобасының негізгі параметрлері баяндалды.

Қасым-Жомарт Тоқаев бюджет жобасының теңгерімді және еліміздің әлеуметтік-экономикалық даму талаптарына сай екенін айтты. Сонымен қатар, Мемлекет басшысы бюджеттік шығыстардың тиімділігін арттыру және бюджеттің кірісін одан әрі ұлғайту жөніндегі жұмыстарды жалғастырудың маңыздылығын атап өтті.

Президент бюджетті жоспарлаудың барлық кезеңдерінде шығыстарды оңтайландыруға, Есеп комитетімен өзара тығыз ықпалдастық орнатуға, сондай-ақ негізсіз имидждік және консалтингтік шығындарды қысқартуға шақырды.

Соңында Мемлекет басшысы Үкіметке бюджет үдерісіне бақылауды күшейтуді тапсырды. Оның айтуынша, бюджет әлеуметтік-экономикалық тұрғыдан барынша тиімді әрі маңызды жобаларды қаржыландыруы тиіс.

Jebeu.kz

Пікір жазу
  • АРЫС ҚАЛАСЫНДАҒЫ БАРЛЫҚ ҮЙЛЕР 20 ҚЫРКҮЙЕКТЕ ТАПСЫРЫЛАДЫ
    Соңғы бес жылда мал шаруашылығы өнімі 47% артты

    Ұқсас тақырыптар