Президент жеке табыс салығының үдемелі өлшемін түсіндірді

Уақыты: 2020-05-12 Көрлімі: 144 Сипаттама

Мемлекет басшысы Алматыға жұмыс сапары барысында Үкіметке берген жеке табыс салығының...

200512180053a3648929d.jpg

Мемлекет басшысы Алматыға жұмыс сапары барысында Үкіметке берген жеке табыс салығының үдемелі өлшемін енгізу туралы тапсырмасының мәнін түсіндірді.

Қазақстан Президентінің пікірінше, бұл жаңалықтың мақсаты - әлеуметтік әділдікті қамтамасыз ету. Мұндай жүйе бірқатар мемлекетте қолданылады.

«Қасым-Жомарт Тоқаев айына 250-300 мың теңге жалақы алатын азаматтар табыс салығын 7 пайыздық мөлшерлеме бойынша төлеуге тиіс деп санайды. Яғни, қазіргі 10 пайыздық мөлшерлемеден төмен болады. Ал, айына 300 мың теңгеден 1,5-2 миллион теңгеге дейін табыс табатындар үшін қазіргі 10 пайыздық мөлшерлеме сақталады» деп жазады Президенттің баспасөз хатшысы Берік Уәли Facebook парақшасында.

Президент жылына 25 миллион теңгеден көп табыс табатын азаматтар үшін пайыздық мөлшерлеме көлемі артуы тиіс деген пікірде.

«Мөлшерлеме көлемін Үкіметтің комиссиясы анықтайды. Бұл ретте Мемлекет басшысы жеке табыс салығының пайыздық мөлшерлемесінің жоғарғы шекті деңгейі 15 пайыздан аспауы керек деп есептейді» деп түйіндеді Берік Уәли.


Дереккөз: "ҚазАқпарат"

Пікір жазу
  • А. Аймағамбетов: Талапкерлер ЖОО-ға құжатты электронды түрде тапсырады
    2,7 миллионнан астам адам 42 500 теңге төлемді екінші рет алды