Бағдат Қожахметов: Коронавирус бойынша сандар көңіл қуантпайды

Уақыты: 2020-10-14 Көрлімі: 148 Сипаттама

ҚР Денсаулық сақтау министрлігінің ресми өкілі Бағдат Қожахметов елдегі эпиджағдай қи...

photo_51249.jpg

ҚР Денсаулық сақтау министрлігінің ресми өкілі Бағдат Қожахметов елдегі эпиджағдай қиындап бара жатқанын хабарлады.

«Біз тағы да босаңсып кеттік. Коронавирус бойынша сандар көңіл қуантпайды. Көршілес Ресейдегі жағдай біздің елдегі маусым-шілде айларындағы ахуалға ұқсас. Таңдау әрдайым өзімізде», - деп ескертті ол.

 Сондай-ақ ол коронавирус инфекциясын жұқтыру бойынша жағдай күрделеніп бара жатқанын мәлім етті.

«Бүгін ғана менің жақын досым COVID-19 жұқтырып алғанын естідім. Жағдай қиындап кеткенше мені мазалағысы келмепті. Өкпесі 20 пайызға зақымданған. Пневмония», - деп жазады Бағдат Қожахметов Facebook-парақшасында.


Айта кетейік, өткен тәулікте Қазақстанда коронавирус 70 адамда расталды. 5-11 қазан аралығында індеттен 22 науқас көз жұмды. Сондай-ақ 12 қазан күні коронавирус белгілері бар пневмонияның 4 жағдайы және 2 өлім жағдайы тіркелді.

Елімізде індетке барлығы 108 901 адам шалдыққан, оның 104 203-і жазылып шықты. 1768 науқас қайтыс болды.


Пікір жазу
  • Дархан Кәлетаев Қазақстанның Молдовадағы Елшісі қызметін қоса атқарады
    Алматылық кәсіпкерлерді қолдауға арналған қандай тетіктер бар?