Қазақстан халқының саны 19 миллионға жетті

Уақыты: 2020-05-15 Көрлімі: 186 Сипаттама

2020 жылы Қазақстан халқының саны 292 704 адамға ұлғайып, жыл соңында 19 189 022 адамды құрайтын...

7efe51ed949aa2929d77f12f49c.jpg

2020 жылы Қазақстан халқының саны 292 704 адамға ұлғайып, жыл соңында 19 189 022 адамды құрайтын болады, деп  countrymeters.info  сайтына сілтеме жасап хабарлаймыз

Бүгін сағат 09:00-дегі статистика бойынша қазақстандықтардың саны 19 004 888 адамды құрап отыр. Түнгі сағат 00:00-ден бері 459 сәби дүниеге келсе, 117 адам көз жұмған.

Сайттың мәліметінше, жыл бойына шамамен 424 789 бала дүниеге келіп, 167 610 адам қайтыс болады. Егер сыртқы көші-қон деңгейі өткен жылдың деңгейінде қалса, көші-қон себептеріне байланысты халық саны 35 525 адамға өзгереді. Яғни, ұзақ мерзімді болу мақсатында елге келетін адамдардың (көшіп келушілердің) жиынтық саны елден (көшіп кетушілердің) кеткен адамдардың санынан көп болады.

2020 жылғы Қазақстан халқы санының өзгеру динамикасы

·         Бала туу: орташа есеппен күніне 1 164 бала (сағатына 48.49)

·         Өлім-жітім: күніне орташа есеппен 459 адам (сағатына 19.13)

·         Халықтың көші-қон өсімі: орташа алғанда күніне 97 адам (сағатына 4.06)

Осылайша 2020 жылы Қазақстан халқының өсу жылдамдығы күніне 802 адамды құрайды.

Қазақстанда орташа өмір сүру ұзақтығы (екі жынысы үшін) 68.5 жасты құрайды. Бұл әлемде күтілетін орташа өмір сүру ұзақтығынан (71 жас) төмен.

Сайттың ақпаратынша, Қазақстанда 15 жастан асқан 14 790 681 адам қандай да бір тілде оқи алады және жаза алады. Бұл ересек тұрғындардың жалпы санының 99.79% құрайды. Алайда 31 024 адам әлі де сауатсыз.

Ерлер арасында сауаттылық деңгейі 99.81%, ал әйелдер арасында сауаттылық деңгейі 99.78% құрайды.


Пікір жазу
  • IV Дүниежүзілік көшпенділер ойыны Түркияда 2021 жылы өтеді
    Абайдың 175 жылдығына орай Түркі академиясы шығарған бірнеше кітап таныстырылды