Қасым-Жомарт Тоқаев Александр Лукашенкомен шағын құрамда келіссөздер жүргізді

Уақыты: 2019-10-25 Көрлімі: 64 Сипаттама

Мемлекет басшысы Қасым-Жомарт Тоқаев елімізге ресми сапармен келген, Беларусь Республ...

0d36b6ee0e31d3817bb59947f12f33ce.jpg

Мемлекет басшысы Қасым-Жомарт Тоқаев елімізге ресми сапармен келген, Беларусь Республикасының Президенті Александр Лукашенкомен шағын құрамда келіссөздер жүргізді. 

Келіссөздер барысында Қасым-Жомарт Тоқаев Александр Лукашенконың елімізге ресми сапары Қазақстан мен Беларусь арасындағы өзара стратегиялық әріптестік пен экономикалық іс-қимылдардың дамуына соны серпін беретінін атап өтті.

– Александр Григорьевич, Сіздің сапарыңыз біз үшін аса маңызды. Өйткені бұл біздің мемлекеттеріміз арасындағы ынтымақтастық пен қарым-қатынастардың шынайы достық сипатқа құрылғанын дәлелдейді. Сонымен қатар екі елдің іскерлік әріптестігіне, оның ішінде, экономикалық, гуманитарлық байланыстар мен халықаралық қарым-қатынастарға тың серпін береді, – деді Қазақстан Президенті.

Мемлекет басшысы Беларусь Республикасы тәуелсіздігінің негізін қалаған көрнекті мемлекет қайраткері Александр Лукашенкоға Қазақстанда шынайы құрметпен қарайтынын атап өтті.

Александр Лукашенко Қасым-Жомарт Тоқаевқа қонақжайлық көрсеткені үшін ризашылығын білдіріп, екі ел арасында қалыптасқан тарихи достық байланыстарға назар аударды.

– Қазақстанмен арадағы қарым-қатынасымыз өте жақсы екенін, экономикамыздың бірін-бірі толықтырып отыратынын және екі ел өзара жаңа мүмкіндіктерге жол ашатынын айтқым келеді. Біздің елімізде шығарылатын өнімдер Қазақстанға қажет. Ал біз қазақстандық өнімдерді сатып алуға дайынбыз, – деді Беларусь Президенті. 


Пікір жазу
  • Асқар Мамин: Үкімет Қазақстанда бизнес жүргізу шарттарын жетілдіру үшін барлық шараларды қабылдайды
    Қазақстан аумағында 5G желісі қашан толық іске қосылады?