Орталық коммикациялар қызметінде өткен брифингте «Ұлттық ғылыми кардиохирургия орталығының» бөлім меңгерушісі Айнұр Тәуекелова коронавируспен ауырғандардың иммунитетін қалай көтеруге болатынын айтты.
«Иммунитетті көтеруге қатысты нақты ұсыныс жоқ. Жалпы физикалық жүктемені көтеріп, жиі қозғалуға кеңес береміз. Сондай-ақ, нутритивті қолдау қажет, яғни дұрыс тамақтану керек. Ұйқыны ретке келтіру қажет. Коронавируспен ауырған адам 8 сағаттан кем емес уақыт ұйықтауы керек және міндетті түрде күндізгі уақытта демалуы қажет. Диета ұстаған кезде дәрумендері мол болуын қадағалау қажет. Д, В, С тобындағы дәрімендерді, мырыш пен магнийді қолдану керек. Жалпы қандай дәріменді көбірек қолдану әрбір науқасқа қатысты жеке қаралуы тиіс», - деді ол.
