Соңғы күндері Алматыда коронавирустық инфекция өрши түскені белгілі. Сондықтан Алматы қаласының Бас санитарлық дәрігері Жандарбек Бекшин жаңа қаулыға қол қойды, деп Еgemen.kz-ке сілтеме жасап хабарлаймыз.
Жаңа қаулы бойынша ойын-сауық іс-шараларын, көрмелер, форумдар, конференциялар, сондай-ақ отбасылық, салтанатты, естелік іс-шаралары (банкеттер, үйлену тойлары, мерейтойлар, еске алу), оның ішінде үйде және адамдар көп жиналатын өзге де іс-шараларды өткізуге тыйым салу қарастырылған. «Наурызды» және басқа да мерекелік корпоративтерді жаппай мерекелеуді ұйымдастыруға және өткізуге тыйым салынады; 2021 жылғы 20-24-ші наурыз аралығында қалааралық/облысаралық тұрақты автобустардың (шағын автобустардың) Алматы қаласына кіруін (қозғалысын) тоқтата тұру;
Қызметі жаңартылмаған объектілерге баруға тыйым салынады. Бұл боулинг орталықтары, компьютерлік клубтар («Ashyq» пилоттық жобасына қатысатын объектілерді қоспағанда), бильярд, караоке, батуттар, түнгі клубтар, букмекерлік кеңселер, лото және ойын клубтары, жабық үй-жайлардағы ойын алаңдары мен аттракциондар, оның ішінде спорт объектілерінде орналасқандарды қоспағанда, мұз және роликті мұз айдындары;
Қоғамдық көлікке, таксиге, метроға, әуежайларға, т/ж және авто-вокзалдарға, аула балалар алаңдарына, азық-түлік және азық-түліктік емес базарларға және басқа да қоғамдық орындарға санитарлық және дезинфекциялық өңдеу жүргізу;
Күндізгі режимде кеңестер (отырыстар) өткізуге тыйым салынады;
Коронавирустық инфекцияның жеңіл және орташа нысандарымен ауыратын науқастарды ауруханаға жатқызу, сондай-ақ үй карантинін сақтау үшін жағдайлар болмаған кезде симптомсыз нысандарды ауруханаға жатқызу міндетті.
Қаулы 2021 жылғы 13 наурызда күшіне енеді.
Айнаш ЕСАЛЫ
