Ералы Тоғжанов: Педагогтердің 84 пайызы коронавирусқа қарсы вакцина алды

Уақыты: 2021-06-24 Көрлімі: 764 Сипаттама

Бүгінде еліміздегі педагогтердің 84 пайызы коронавирус инфекциясына қарсы вакцина алд...

1623825328_news_b.jpeg

 Бүгінде еліміздегі педагогтердің 84 пайызы коронавирус инфекциясына қарсы вакцина алды. Бұл туралы ҚР Премьер-Министрінің орынбасары Ералы Тоғжанов айтты, деп ҚазАқпаратқа сілтеме жасап хабарлаймыз.

Орталық коммуникациялар қызметіндегі брифинг барысында БАҚ өкілдері ҚР Денсаулық сақтау министрі Алексей Цойдан мектеп оқушылары мен студенттер қашан офлайн оқуға оралатындығын сұраған еді.

«Барлығы эпидемиологиялық ахуалға байланысты болады. Ұжымдық иммунитет халықтың 60 пайыздан астамы вакцина алған кезде қалыптасады. Сондықтан барлық ұжымдар дайындалып жатыр. Студенттердің арасында, жалпы халықтың арасында түсіндіру жұмыстары қарқынды жүргізілуде», - деп жауап берді министр.

Ал осы сауалға толығырақ жауап берген ҚР Премьер-Министрінің орынбасары Ералы Тоғжановтың дерегінше, бүгінде педагогтердің 84 пайызы коронавирусқа қарсы вакцина алған.

«Сондықтан қазірдің өзінде өте байыпты дайындық жүргізіліп жатыр. Меніңше, ары кеткенде 20 шілдеге дейін (педагогтер толық вакцина алуы тиіс). Бұл жайында барлығы біледі. Офлайн режимге оралу жоспарымызда бар. Бірақ, бұл бірінші кезекте эпидемиологиялық ахуалға байланысты болады. Дегенмен, еліміз оқытудың дәстүрлі форматына дайындалып жатыр», - деді Ералы Тоғжанов.


Пікір жазу
  • Жыл басынан бері «Еңбек» мембағдарламасына 286 мыңға жуық адам қатысты
    Алматы қаласының бас санитар дәрігерінің жаңа қаулысы шықты

    Ұқсас тақырыптар