Қазақстанның Қытайдағы Елшісі ҚХР Ұлттар істері жөніндегі мемлекеттік комитетінің төрағасымен кездес

Уақыты: 2023-02-06 Көрлімі: 196 Сипаттама

Елші екі ел арасында қазақ ұлтты ҚХР азаматтарының еркін сапарларына қолайлы жағдайлар жасау, мәдени-гуманитарлық алмасуларды қалпына келтіру қажеттігіне ерекше назар аударды. Ол қазақстандық тараптың қандастарға ҚР жоғары оқу орындарында оқу үшін стипенд...

Снимок.JPG

Қазақстанның Елшісі Шахрат Нұрышев ҚХР Ұлттар істері жөніндегі мемлекеттік комитетінің төрағасы (Министр деңгейінде), Қытай Коммунистік партиясы Орталық Комитетінің Біртұтас майдан бөлімі меңгерушісінің орынбасары Пань Юэмен кездесті, деп ҚР Сыртқы істер министрлігінің баспасөз қызметіне сілтеме жасап хабарлаймыз. 

Кездесу барысында тараптар ұлтаралық және конфессияаралық келісімді дамыту және нығайту саласындағы екі елдің мемлекеттік саясатымен өзара таныстырып, Қазақстан мен Қытайдың бейінді ведомстволары арасындағы ынтымақтастықты тереңдету мәселелерін талқылады.

Ш.Нұрышев сұхбаттасушыны «Әділетті Қазақстанды» құруға бағытталған елімізде болып жатқан саяси реформалар туралы егжей-тегжейлі ақпараттандырды. Қазақстандық дипломат ұлтаралық қатынастарды дамыту жөніндегі мемлекеттік саясаттың ағымдағы жағдайы мен даму перспективалары, сондай-ақ Қазақстан халқы Ассамблеясының қызметі туралы айтып берді.

Елші екі ел арасында қазақ ұлтты ҚХР азаматтарының еркін сапарларына қолайлы жағдайлар жасау, мәдени-гуманитарлық алмасуларды қалпына келтіру қажеттігіне ерекше назар аударды. Ол қазақстандық тараптың қандастарға ҚР жоғары оқу орындарында оқу үшін стипендиялар бөлуге, түрлі фестивальдар, мәдениет күндері және екі елдің әртістері мен ұлттық шығармашылық ұжымдарының гастрольдерін ұйымдастыруға дайындығын атап өтті.

Өз тарапынан Пань Юэ Қазақстанда жүргізіліп жатқан саяси өзгерістерге, еліміздің теңдестірілген сыртқы саясатына, ішкі саяси тұрақтылықты қамтамасыз ету шараларына, сондай-ақ Қазақстан-Қытай ынтымақтастығының қазіргі деңгейіне жоғары баға берді. Ол қазақстандық тараптың ұсыныстарын қолдап, олар бойынша белсенді өзара ықпалдасуға әзір екендігін білдірді.

Кездесудің қорытындысы бойынша пандемия кезінде шекараның екі жағында қалған отбасылардың бірігуіне жәрдемдесуге, екі ел арасындағы мәңгі жан-жақты стратегиялық әріптестік қатынастарын нығайту мақсатында сауда-экономикалық және мәдени-гуманитарлық салаларда «достық пен ынтымақтастықтың алтын көпірі» ретінде қандастардың әлеуетін кеңінен тартуға, қол жеткізілген уағдаластықтарды іс жүзінде іске асыру үшін бейінді ведомстволар арасында тікелей байланыстар орнатуға келісті.


Пікір жазу
  • LRT жобасы қате болды, бірақ оны тоқтатсақ, шығын одан да көп болады - Президент
    Депозит бойынша 10 пайыз өтемақыны кімдер ала алады?

    Ұқсас тақырыптар