Ашық үкімет және жаңа басқару мәдениеті: есту, түсіну, әрекет ету

Уақыты: 2023-04-27 Көрлімі: 1160 Сипаттама

Бүгін елордада «Ашық үкімет және жаңа басқару мәдениеті: есту, түсіну, әрекет ету» тақы...

d8cb48dc-c0c6-440c-b476-684dfd393290.jpg

Бүгін елордада «Ашық үкімет және жаңа басқару мәдениеті: есту, түсіну, әрекет ету» тақырыбында халықаралық ғылыми-практикалық конференция жұмысы басталды.

Шара Қазақстан Респубикасы Мемлекеттік қызмет істері агенттігінің бастамасымен және Астана мемлекеттік қызмет хабының қолдауымен Қазақстан Республикасы Президентінің жанындағы Мемлекеттік басқару академиясында өтіп жатыр.

8b57aff0-1ad4-42c7-b9a0-46b893a04af1.jpg

Конференцияның мақсаты – мемлекеттік басқарудың өзекті мәселелерін талқылау және практикалық ұсыныстар әзірлеу. Бүгін 12 панельдік отырыс аясында 104 қатысушы баяндама жасады. Баяндамаларды талқылауға 200-ден астам адам қатысты. Конференцияның негізгі тақырыбы – Ашық үкімет және басқарудың жаңа мәдениеті аясында мемлекеттік басқару мен мемлекеттік қызметті дамытудың перспективалық бағыттары бойынша нәтижелі пікір алмасу өтті, сондай-ақ мәселелерді бірлесе талқылап, нақты шешімдер әзірленді.

095b8961-e659-4c37-aea4-6b4bc06b1ffc.jpg

«Екі күн бойы  біздің шақыруымызбен АҚШ, Германия, Польша, Болгария, Орта Азия елдерінен келген сарапшыларды тыңдаймыз. Академия магистранттары мен докторанттары шетелден келген мемлекеттік қызмет саласының мамандарынан мағлұмат алып, дәріс тыңдайды. Конференцияны ұйымдастырудағы тағы бір маңызды мақсаттарымыздың бірі – Қазақстанның мемлекеттік басқару саласындағы тәжірибесімен бөлісу. Қазіргі кездегі саяси реформалардың өзектілігін, алға қойылған мақсаттарға қол жеткізу үшін жүзеге асырылатын іс-шараларды пысықтау. Конференция үш зерттеу бағытына сай өтеді: «Ашық үкімет», «Жаңа басқару мәдениеті», «Ашық диалог және әлеуметтік әріптестік». Іс-шара барысында «Ашық үкіметті» енгізудің халықаралық және ұлттық тәжірибелері, «Цифрлық мемлекет» үлгісін қалыптастырудың негізгі аспектілері, мемлекеттік басқаруды бюрократиядан арылту мәселелері талқыланады. Сонымен қатар мемлекеттік басқаруды реформалау аясында мемлекеттік қызметші болмысының өзгеруі және мемлекеттің, бизнестің және үкіметтік емес ұйымдардың стратегиялық әріптестігі сияқты маңызды тақырыптар талқыға салынады», – деді Қазақстан Республикасы Президентінің жанындағы Мемлекеттік басқару академиясының ректоры Ерлан Әбіл.

36665140-14d4-422a-9d69-a20aa76e2d72.jpg

Халықаралық конференцияға отандық және шетелдік сарапшылар қауымдастығы, ғалымдар, зерттеушілер, соның ішінде Академияның магистранттары мен докторанттары, мемлекеттік органдардың, бизнес құрылымдардың және азаматтық қоғам институттарының өкілдері қатысады. 

2023 жылы 28 сәуірде конференцияның пленарлық отырысына Қазақстан Республикасы Парламенті Сенатының төрағасы Мәулен Сағатханұлы Әшімбаев, Қазақстан Республикасы Президенті Әкімшілігі Басшысының бірінші орынбасары Тимур Мұратұлы Сүлейменов, Қазақстан Республикасы Мемлекеттік қызмет істері агенттігінің төрағасы Дархан Медеғалиұлы Жазықбаев, экономика профессоры, Нобель сыйлығының бейбітшілік саласы бойынша лауреаты Рае Квон Чунг, Қазақстандағы БҰҰ Тұрақты үйлестірушісі Фриберг-Стори Микаэла, Мемлекеттік қызмет саласындағы Өңірлік хабтың Басқарушы комитетінің төрағасы Әлихан Мұхамедұлы Байменов қатысады.

 

Қазақстан Республикасы Президентінің жанындағы

Мемлекеттік басқару академиясының баспасөз қызметі


Пікір жазу
  • Ұстаздар ҚазҰУ жатақханасында студенттерге ауыз ашар берді
    Jebeu.kz ақпараттық порталы уақытша жұмысын тоқтатады

    Ұқсас тақырыптар