Қытай ШЫҰ-ның кезекті төрағалығы кезінде оның одан әрі дамуы мен өсуіне үлес қосуға дайын. Бейжің Шанхай рухын, БҰҰ Жарғысының нормалары мен қағидаттарын құрметтейтін және мақұлдайтын жаңа серіктестердің қосылуын құптайды, деді Қытай Халық Республикасы Сыртқы істер министрінің орынбасары Сун Вэйдун.
Оның айтуынша, Шанхай ынтымақтастығы ұйымы халықаралық қауымдастықтың назарын өзіне аударып, әлемде өзінің ықпалын үнемі арттырып келеді. Қытай ШЫҰ-ны сыртқы саясатының басымдылығы деп санайды, - деді Сун Вэйдун.
Ол Беларусь биыл қабылданғаннан кейін ШЫҰ-ға мүше елдердің жалпы аумағы 36 миллион шаршы шақырымнан асқанын атап өтті. Бұл Еуразия құрлығының 65 пайызынан астамы деген сөз.
Астанада шілдеде өткен саммиттен кейін Қытай 2024-2025 жылдардағы ШЫҰ-ға кезекті төрағалық тізгінді қабылдап алған еді. Бейжің келесі жылы бірігу саммитін өткізеді.
t.me/atamekenbusiness_silkway телеграм арнасынан
