Қытайда 3D-принтерде өсімдік негізіндегі балық етінің аналогын басып шығарды. Нәтижесінде басып шығарылған өнім табиғи сары горбыль балығының етіне өте ұқсас болып шықты, деп хабарлайды aqshamnews.kz.
Чжэцзян университетінің ғалымдар тобы 3D-принтерді пайдаланып, сары горбыль балығының етін имитациялайтын өсімдік негізіндегі етті жасады. Зерттеу нәтижелерін ғалымдар KeAi Food Physics журналында жариялап, басылған өсімдік етінің табиғи горбыль балығының етімен 90% ұқсас болғанын мәлімдеді. Бұл ұқсастық тек "текстуралық сипаттамаларда" ғана емес, сонымен қатар тағамдық құндылықтарында да байқалды.
Әлем бойынша шамамен 90% балық ресурстары таусылу шегіне жеткен. Сондықтан өсімдік негізіндегі балық етін өндіру дәстүрлі балық аулауға балама бола алады.
t.me/atamekenbusiness_silkway телеграм арнасынан
