2024 жылдың 6 қазанында сағат 20:00-де Қазақстанда атом электр стансасын салу жөніндегі референдумға дауыс беру аяқталды. “Енді Орталық референдум комиссиясы қазақстандықтардың сайлауға түпкілікті қатысуын санап, азаматтардың дауысы негізінде түпкілікті шешім қабылдауы керек”-деп хабарлайды ҚазАқпарат тілшісі.
2024 жылдың 2 қыркүйегінде Қазақстан Республикасының Президенті Қасым-Жомарт Тоқаев жариялаған Қазақстандағы атом электр станциялары бойынша референдум ресми түрде аяқталды. Дауыс беруге қатысу 50 пайыздан асты, сондықтан дауыс беру сәтті өтті деп айтуға болады. Жақын күндері дауыстарды санау басталып, алдын ала қорытындылар да шығады. Соңғы шешім 7 күн ішінде жарияланады.
Айта кетейік, сағат 10:00-ге дейін Орталық сайлау комиссиясының мәліметі бойынша, 2 178 593 қазақстандық дауыс беріп үлгерді - 17,79%. Ал 12:00-ге қарай олардың саны 39,23%-ға жетті. Сағат 14:00-ге дейін 6 339 428 адам, 51,77% дауыс берді. Сағат 16:00-ге қарай дауыс саны 57,68 пайыздан асты. Бұл 7 062 358 адам дауыс беріп үлгергенін білдіреді. Сағат 18:00-де Орталық сайлау комиссиясының хабарлауынша, тізімге енгізілген азаматтардың жалпы санының 61,56 пайызы – 7 537 675 адам дауыс берген.
Бұған дейін Сыртқы істер министрінің орынбасары Роман Василенко шетелде сайлаушылардың жалпы саны 12 307 адамды құрайтын 74 референдум учаскелік комиссиялары құрылғанын хабарлады.
Референдумға 30 шет мемлекет пен 4 халықаралық ұйымнан 177 байқаушы, сондай-ақ 37 елден 200 шетелдік журналист аккредиттелген.
Еске салайық, 2024 жылдың 2 қыркүйегінде Қазақстан Республикасының Президенті Қасым-Жомарт Тоқаев АЭС бойынша референдум күнін 2024 жылғы 6 қазанға белгілеп, оны өткізу туралы жарлыққа қол қойған болатын. Осыдан кейін Орталық сайлау комиссиясында АЭС құрылысы бойынша республикалық референдум өткізуге арналған баспасөз мәслихаты өтті. Конференция барысында Орталық сайлау комиссиясының өкілдері референдумның қалай өтетінін түсіндірді.
3 қазанда Мемлекет басшысы Қасым-Жомарт Тоқаев барлық деңгейдегі мәслихаттардың екінші республикалық форумында сөйлеген сөзінде дауыс беру нәтижелеріне қарамастан, атом электр стансасын салу жөніндегі референдум айтулы оқиғаға айналатынын атап өткен болатын.
ақпараттар казинфорымнан алынды
