Қаржы министрлігі Ақпараттық басқармасының хабарлауынша, 2024 жылғы Қазақстан-Қытай шекаралық кеден басшыларының кездесуі 15-18 қазан аралығында Алматыда өтеді. Қазақстандық делегацияны Қаржы министрлігі Ұлттық кірістер комитеті Кедендік қадағалау департаменті порттарды үйлестіру басқармасының директоры Хабит Воласов, Қытай делегациясын Үрімші кедені комиссарының орынбасары Ли Цинхуа ханым бастап барды.
Кездесу барысында екі тарап кедендік ресімдеудің тиімділігін арттыру, уәкілетті экономикалық операторларды өзара тану, радиоактивті материалдарды қадағалауды күшейту, сондай-ақ тасымалдау кезінде кездесетін практикалық мәселелерді қамтитын екі елдің шекаралық порты ынтымақтастығының негізгі мәселелерін терең талқылады.
Достық консультациялардан кейін екі тарап келесі консенсусқа келді:
Қытай «Қалжат-Дулаты» шекара бекетіндегі кедендік рәсімдеу уақытын екі сағатқа ұзарту;
«Дулаты» шекара бекетіндегі кедендік ресімдеудің тиімділігін арттыру мақсатында Қытайда тексеру жабдықтарының жаңа жиынтығын іске қосу;
«Нұрлы жол» (Қазақстан) – «Қорғас» (Қытай) шекара бекетіндегі көлік қозғалысы мәселесіне орай екі тарап транзиттік көліктердің өту уақытын бірлесіп белгілеу және жақсарту жоспарларын ұсыну үшін жұмыс тобын құру.
Екі тарап кездесу нәтижелеріне қанағаттанғандықтарын білдіріп, кедендік ынтымақтастықты одан әрі тереңдетуге сенім білдірді. Екі тарап осы жолы қол жеткізілген консенсус екі ел арасындағы шекаралық порттардағы кедендік рәсімдеу тиімділігін барынша арттырып, екіжақты сауданың тұрақты дамуына ықпал етеді деп сенеді.
