Astana IT University-де жасанды интеллектіге байланысты пәнаралық жобалар іске асырылуда. Бұл туралы Үкімет отырысында университеттің қауымдастырылған профессоры Бейбіт Әбдікенов мәлімдеді.
Ол Astana it University-де жасанды интеллектімен байланысты бірнеше пәнаралық жобалар іске асырылып жатқанын хабарлады. Атап айтқанда, осындай жобалардың бірі сүт безі ісігін диагностикалау және болжауға қатысты жасанды интеллект технологиясын әзірлеумен байланысты.
«Жоба 2024-2026 жылдарға арналған бағдарламалық-нысаналы қаржыландыру шеңберінде іске асырылуда. Жыл соңына қарай онкологиялық диспансерлерде пилоттық жобаларды бастауды жоспарлап отырмыз»,
— деді Бейбіт Әбдікенов.
Оның айтуынша, бұлшықет сигналдарын автоматты түрде тану мүмкіндігі бар бионикалық білек протезінің жобасы әзірленуде. Қазіргі уақытта экзопротездің алғашқы прототипі жасалды. Жоба 2024-2026 жылдарға арналған бағдарламалық-нысаналы қаржыландыру шеңберінде іске асырылуда. 2026 жылы соңғы өнімді әзірлеуді аяқтап, клиникалық сынақтарды бастау жоспарлануда.
https://t.me/KZgovernment сайтынан
