Қытай жасанды интеллект арқылы толық автономды жұмыс істей алатын ең жаңа Rainbow-9 (Caihong-9) әскери дронын сынақтан өткізді.
Ұшқышсыз аппарат 40 сағат бойы әуеде ұшып, 10 000 шақырымнан астам қашықтықты еңсере алады. Ол зымырандар, бомбалар және радиоэлектрондық күрес жүйелері бар сегіз қару бекетімен жабдықталған. Жасанды интеллекттің көмегімен нысананы анықтау, талдау және шабуылдау уақыты 20 минуттан 2 минутқа дейін қысқарды.
Сарапшылардың айтуынша, Rainbow-9 бірнеше дронды бір уақытта басқарып, бесінші және алтыншы буын жойғыш ұшақтарымен бірге жұмыс істей алады. Бұл әскери операциялардың тиімділігін арттырады.
Қытайдың жаңа дроны өз мүмкіндіктері жағынан америкалық Global Hawk-қа бәсекелес болуы мүмкін, бірақ Қытай оны арзанырақ бағамен ұсынуды жоспарлап отыр.
t.me/atamekenbusiness_silkway
