Қытайдың Сауда министрлігі Қытай мен АҚШ өкілдері Швейцарияда келіссөз жүргізетінін хабарлады.
9–12 мамыр аралығында ҚХР Мемлекеттік кеңесінің вице-премьері Хэ Лифэн Швейцарияға барып, АҚШ Қаржы министрі Скотт Бессентпен кездеседі.
«Қытай халықаралық қауымдастықтың үмітін, өз мүддесін және америкалық өнеркәсіп пен тұтынушылардың үндеуін ескере отырып, АҚШ-пен ынтымақтастыққа келіскен шешім қабылдады», – делінген министрлік мәлімдемесінде.
Бұған дейін Скотт Бессент бұл кездесуде ірі сауда келісімі емес, тек сауда саласындағы шиеленісті азайту жайы талқыланатынын айтқан. Оның сөзінше, АҚШ Қытаймен «әділ сауда» орнатқысы келеді.
t.me/atamekenbusiness_silkway телеграм арнасынан
