Ақылбек Күрішбаев: Ауыл шаруашылығы мақсатындағы жерлер тек мемлекеттің құзырында болуы керек

Уақыты: 2021-03-25 Көрлімі: 845 Сипаттама

Елімізде ауыл шаруашылығы мақсатындағы жерлер жекеменшікте емес, тек мемлекеттің құзы...

210325140953335e.jpg

Елімізде ауыл шаруашылығы мақсатындағы жерлер жекеменшікте емес, тек мемлекеттің құзырында болуы керек. Бұл туралы Жер реформасы жөніндегі комиссияның 1-отырысында Сенат депутаты Ақылбек Күрішбаев айтты, деп ҚазАқпаратқа сілтеме жасап хабарлаймыз. 

«Қазақстан үшін ауылшаруашылығы мақсатындағы жер жай ғана өніріс құралы емес, ең алдымен бұл - біздің ұлттық игілігіміз, ата-бабамыздан қалған тарихи мұрамыз, бүкіл халқымыздың байлығы және оның басты құндылығы. Менің жеке пікірім, Қазақстандағы ауыл шаруашылығы мақсатындағы жерлер жекеменшікте емес, тек мемлекеттің құзырында болуы керек. Ең алдымен бұл біздің геосаяси жағдаймызға байланысты. Ауыл шаруашылығы жерлерінің көлемі бойынша біз әлемде 6-орында тұрмыз. Ал егістік алқаптары бойынша жан басына шаққанда Австралиядан кейін екінші орындамыз. Яғни, бір адамға шамамен 1,3 гектар егістік жер келеді. Басқаша айтқанда, бізде халық тығыздығы өте төмен. Сондықтан мемлекеттің ұлттық қауіпсіздігін қамтамасыз ету үшін жер ресурстарымыздың жекеменшікте емес тек қана мемлекеттік меншікте болғаны маңызды. Жер тек жалға берілуі тиіс», - деді комиссияның бірінші отырысында сенатор.

Оның атап өтуінше, әлемдік тәжірибеде мұндай мысалдар бар. Мәселен, нарықтық экономикасы дамыған Израильде барлық ауыл шаруашылығы жерлері мемлекеттің құзырында.


Пікір жазу
  • Аляска келіссөзі: кімнің есебі түгел?
    Амалбек Тшанов: Майшам жарығымен жұмыс істеген кездер де болған

    Ұқсас тақырыптар