Сыртқы істер министрлігі тарихи отанына келгісі келетін қандастар үшін еліміздің шекарасы мен есігі әрқашан ашық екенін мәлімдеді, деп Abai.kz порталына сілтеме жасап хабарлаймыз.
Сыртқы істер министрлігінің ресми өкілі Айбек Смадияров апталық брифингте тарихи отанына оралғысы келетін Ресей қазақтарына ведомство тарапынан көмек көрсетіле ме деген сұраққа жауап берді.
Ол еліміз тәуелсіздік алған алғашқы күннен бері шетелде тұратын барлық қандастарды Қазақстанға көшуге шақырғанын, этникалық қазақтарға барлық жағдай жасалғанын айтты.
