Әл-Фараби атындағы Қазақ ұлттық универсиеті Ақпараттық технологиялар факультеті Ақпараттық қауіпсіздік жүйелер мамандығының 4 курс студенттері 02.12.2022ж күні “Ахмет Байтұрсынұлы мұражайын” көруге барды.
Студенттер Ұлт ұстазының 150 жылдығына орай Ахмет Байтұрсынұлының өмірі мен еңбектерімен танысты. Мұражай қызметкерлері мұражайдағы әр жәдігердің тарихын баяндады. Студенттер қазақтың ұлы ағартушысының өмір жолымен, ғылыми еңбектерімен, отбасымен тұтынған бұйымдарымен танысты. Ауыр тарихы кезеңде басын бәйгеге тіке отырып, ұлтқа өшпес еңбек қалдырып кеткен ұлт ұстазының ғибаратты өмірінен тәлім өнеге алып қайтты.
Ахмет Байтұрсынұлы мұражайы Байтұрсынұлының өмірінің соңғы жылдарындағы тұрған үйі. Мұражай биыл 150 жылдыққа орай қайта жөндеуден өтіп, 16 қарашада мемлекет басшысының қатысуымен жаңа бейнеде ашылды.
Құрметқан Т.
Ақпараттық жүйелер кафедрасының аға оқытушысы
