Ұлттық банк төрағасы Тимур Сүлейменовтің үкімет отырысында сөйлеген сөзінің түйіні:
Инфляция 2024 жылғы 7,5-9,5%-дан 2025 жылы 5,5-7,5%-ға дейін баяулайды. Одан кейін инфляция орта мерзімді мақсатты 5% шамасында тұрақталады деп күтілуде.
Себептер: жүргізіліп жатқан ақша-несие саясаты, әлемдік тауар нарықтарындағы сыртқы бағаларды тұрақтандыру, сондай-ақ сауда серіктес елдеріндегі инфляцияның мақсатты көрсеткішіне жақындау.
2025 жылы экспорт 2024 жылғы 80,8 миллиард доллардан 82,3 миллиард долларға дейін өседі.
Төлем балансы әдістемесі бойынша тауарлар импорты 2023 жылдың ең жоғары деңгейінен асып, болжамды көкжиекте өсуді жалғастырады. Импорт көлемі 2025 жылы 61,3 миллиард долларға жетеді.
Ұлттық қордың таза валюталық активтері 2025 жылы 57,8 миллиард долларға бағаланып, 2027 жылы 74 миллиард долларға дейін өседі.
Сондай-ақ 2025 жылға Ұлттық қордан 5,4 триллион теңге көлемінде қаражатты алудың жоғары көлемі жоспарланған.
naryk.kz сайтынан алынды.
