АЭС салу әлегі: Қытай өз бағасын жариялап үлгерді
Қазақстанда АЭС салуға үміткерлердің ішіндегі қытайлық CNNC компаниясының өкілі Ли Юдинг өздерінің тәжірибесі жайлы бөлісті, деп хабарлайды "Адырна" ұлттық порталы.
Қытай Ұлттық ядролық компаниясының бас өкілінің орынбасары Қазақстанда қуаттылығы 1 ГВт болатын бір атом электр станциясының құрылысының құны 20 миллиард юаньды (Ұлттық банктің қазіргі бағамы бойынша 1,359 триллион теңге немесе 2,8 миллиард доллар) құрайтынын, құрылыс жұмысы бес жылға созылатынын хабарлады.
Осылайша, егер құрылыс үшін қытайлық мердігер таңдалса, Қазақстанда 2035 жылға дейін АЭС салу жоспарлануда. Жалпы қуаты 2 ГВт болатын екі блоктан тұратын АЭС құрылысының құны 5,6 млрд долларды құрайтыны айтылды. Республика бастапқыда 2,4 ГВт болатын атом электр станциясының болжамды құнын 10 миллиард доллар және құрылыс мерзімі 10 жыл деп жариялаған болатын. Бірақ кейін сарапшылар, атап айтқанда, Қазақстандық атом электр станцияларының ЖШС (ҚАЭС, «Самұрық-Қазынаның» еншілес ұйымы) өкілдері оны біртіндеп 15 миллиард долларға дейін арттырды.
CNNC өкілінің айтуынша, Қазақстан республикалық референдумда оң шешім қабылдап, сондай-ақ Франциядан, Ресейден, Қытайдан және Оңтүстік Кореядан бірнеше компаниялар қатысатын конкурста Қытай тарапы таңдалса Қытай корпорациясы станса құрылысы бойынша Қазақстандағы АЭС-ны уақытылы іске қосуға бар күш-жігерін салады.
"AB Silk Way" телеграмм каналынан алынды.
