Шанхай астрономиялық обсерваториясының мамандары жасанды интеллектке негізделген өздерінің бағдарламасы арқылы жаңалық ашты. Оның көмегімен ғалымдар Кеплер ғарыштық телескопы жинаған мәліметтерді өңдеді.
Астрономдардың айтуынша, олар дәстүрлі әдістермен салыстырғанда іздеу процесін 15 есе жылдамдататын және анықтау дәлдігін 7 пайызға арттыратын алгоритм жасаған. Жаңадан ашылған бес планетаның төртеуі орталық Күн тәріздес жұлдыздарға жақын орбитада жүреді және көлемі жағынан Марспен салыстыруға болады.
Қытайлық астрономдар шетелдік әріптестерімен бірге параметрлері бойынша Жерге ең жақын планеталарды іздеуді жалғастырады. Алдағы Жер 2.0 ғарыштық миссиясының бір бөлігі ретінде ғалымдар 2 миллионға жуық жұлдыз жүйесін зерттеуді жоспарлап отыр.
t.me/atamekenbusiness_silkway каналынан
