20 қаңтарда өтетін АҚШ президенті Дональд Трамптың инаугурациясына ҚХР Төрағасының орынбасары Хань Чжэн қатысатын болды. Бұл туралы Қытайдың Сыртқы істер министрлігі хабарлады.
Бұл Қытайдың жоғары лауазымды басшысының АҚШ президентінің инаугурациясына алғаш рет қатысуы болмақ.
Қытай тарапы АҚШ-пен қарым-қатынастарын өзара құрмет, бейбіт қатар өмір сүру және өзара тиімді ынтымақтастық қағидаттарына сай дамытып келе жатқанын мәлімдеді. Сондай-ақ, Қытай мен АҚШ арасындағы қарым-қатынасты жаңа дәуірде дамытудың тиімді жолын табуға дайын екенін жеткізді.
Бұған дейін Дональд Трамп рәсімге Қытай Төрағасы Си Цзиньпинді шақырған болатын. АҚШ президентінің инаугурациясына әдетте елшілер мен жоғары дәрежелі дипломаттар қатысады. АҚШ Мемлекеттік департаментінің мәліметінше, 1874 жылдан бері басқа елдердің басшылары бұл рәсімге қатыспаған.
t.me/atamekenbusiness_silkway телеграм арнасынан
