Шорт-тректен Қазақстан ерлер құрамасы Харбинде өтіп жатқан 2025 жылғы қысқы Азия ойындарында алтын медаль иеленді. Қазақстан атынан жарысқа Денис Никиша, Абзал Әжғалиев, Әділ Ғалиахметов, Глеб Ивченко, Мерсаид Жақсыбаев, Айбек Насен қатысты.
Бұл Қазақстан үшін осы Азия ойындарындағы алғашқы алтын медаль болды, ол ерлер эстафетасының нәтижесінде келді. Қазақстан финалда Жапонияны (екінші орын) және Қытайды (үшінші орын) басып озды. Ал фаворит Оңтүстік Корея командасы жазалау ұпайларын алды.
Айта кетейік, Харбинде шорт-трекшілер барлығы үш медаль алды, олардың барлығы эстафеталарда еншіленді.
Сурет: Сали Сабиров, Қазақстан ҰОК баспасөз қызметі
t.me/atamekenbusiness_silkway
