Қытай билігі АҚШ Қытай тауарларына қосымша 100% баж енгізсе, жауап шараларын қабылдайтынын мәлімдеді. Сауда министрлігінің хабарлауынша, Вашингтон соңғы айларда Қытайға қарсы жаңа шектеулерді жиі енгізіп келеді.
«Біз тарифтік соғысты қаламаймыз, бірақ қажет болса, қарсы тұрамыз», — деді министрлік өкілі.
АҚШ президенті Дональд Трамп 1 қарашадан бастап Қытай өнімдеріне жаңа баж енгізілетінін растады. Бұл шешім Қытайдың сирек жер металдарының экспортына бақылауды күшейткеннен кейін қабылданған.
Трамп Си Цзиньпинмен қазанның соңында өтеді деп жоспарланған кездесудің өтуі екіталай екенін айтты, бірақ «мүмкін өтер» деп нақтылады.
Мәлімдемеден кейін қаржы нарықтарында құлдырау байқалды.
t.me/atamekenbusiness_silkway
