Қытай ғылым академиясының Ғарыштық зерттеулер орталығы алдағы бес жылда бірнеше ірі ғылыми жоба іске қосылатынын мәлімдеді. Бұл миссиялар Ғаламның қалай қалыптасқаны мен өмірдің пайда болуын тереңірек зерттеуге бағытталады.
Басты бастамалар:
• «Хунмэн» жобасы – Айдың арғы бетіне 10 спутник жіберіледі. Олар бірігіп төмен жиілікті радиотелескоп құрап, ғарыштың тереңінен келетін өте әлсіз сигналдарды анықтайды. Бұл алғашқы жұлдыздар пайда болғанға дейінгі кезеңді зерттеуге мүмкіндік береді.
• «Куафу-2» аппараты – Күннің полярлық аймақтарын орбитадан бақылайтын әлемдегі алғашқы спутник болмақ.
• «Жер 2.0» іздеу миссиясы – өмір сүруге қолайлы аймақта Жерге ұқсас планеталарды анықтауды мақсат етеді.
• Жаңа ғарыш телескопы – Жер атмосферасынан тыс жұмыс істеп, ғарыштағы өте жоғары энергиялы құбылыстарды, соның ішінде аса тығыз жұлдыздар айналасындағы аймақтарды бақылайды.
t.me/atamekenbusiness_silkway телеграм арнасынан
