Қазақстаннан 50-ге жуық оқушы АҚШ-та өтетін дүниежүзілік робототехника чемпионатына барады

Уақыты: 2023-02-27 Көрлімі: 420 Сипаттама

Елордада өткен «Central Asia FIRST CHAMPIONSHIP-2023» робототехникадан Орталық Азия ойындары аяқталды,...

Снимок.JPG

Елордада өткен «Central Asia FIRST CHAMPIONSHIP-2023» робототехникадан Орталық Азия ойындары аяқталды, деп ҚРОқу-ағарту министрлігінің баспасөз қызметіне сілтеме жасап хабарлаймыз.

АҚШ-тың Хьюстон қаласында өтетін FIRST дүниежүзілік чемпионатында ел намысын 50-ге жуық оқушы қорғайды. Олар – жеңімпаз атанған 4 команданың мүшелері. Сондай-ақ, тағы 9 команда Австралия, Марокко, АҚШ, Индияда өтетін халықаралық ашық чемпионаттарға жолдама алды.

«Робототехника жарысы үш жас санатында өтті. Кішкентай балалар санаты бойынша Алматы қаласының оқушыларынан құралған Adeptus Mechanicus тобы АҚШ-тың Хьюстон қаласында өтетін басты жарысқа жолдама жеңіп алды. Ортаңғы санатта басты жүлдені алматылық «Play 4 Energy» тобы иеленді. Ал, 12-18 жас санатындағы басты жүлдегерлер – алматылық AENTA және NIS Kyran топтары. Үш күнге созылған сайыс тартысты өтті. Жыл сайын робототехникамен айналысатын балалардың қатарының артқаны қуантады», - дейді USTEM Robotics қорының жетекшісі Асылбек Мурзахметов.

Айта кетейік, «Central Asia FIRST CHAMPIONSHIP-2023» робототехникадан чемпионат Астана қаласында 24-26 ақпанда өткен болатын. Оған еліміздің әр аймағынан 1 200 оқушы қатысты. Биылғы жарыс энергия тақырыбына арналды.

photo


Пікір жазу
  • Қазақстан алтын экспортынан рекордтық табыс тапты
    Транскаспий халықаралық көлік бағытында Қазақстаннан жүктердің өту мерзімі 2 есе қысқарды

    Ұқсас тақырыптар