Маңғыстауда газ құны литріне 120 теңгеден 85-90 теңгеге дейін төмендейтін болды

Уақыты: 2022-01-03 Көрлімі: 312 Сипаттама

А. Мамин: Мемлекет басшысы Қ. К. Тоқаевтың тапсырмасы бойынша Үкімет Жаңаөзен қаласындағы жағдайға қатысты шаралар қабылдайды...


271154903_4547457948710935_4256094657485505994_n.jpg

ҚР Премьер-Министрі А. Мамин Мемлекет басшысы Қ. К. Тоқаевтың тапсырмасы бойынша Үкімет Жаңаөзен қаласындағы жағдайға қатысты шаралар қабылдайтынын жеткізді, деп ҚР Премьер-Министрінің баспасөз қызметіне сілтеме жасап хабарлаймыз.

Үкімет басшысының өкімімен Маңғыстау облысындағы әлеуметтік-экономикалық жағдайды қарастыру үшін Үкіметтік комиссия құрылды.

Мемлекет басшысының тапсырмасын орындау мақсатында Үкімет сұйытылған мұнай газының бағасын реттеу бойынша шаралар топтамасын іске асырады.

Бәсекелестікті қорғау және дамыту агенттігі АЖҚС иелеріне қатысты бағалық сөз байласу бойынша тергеуді бастады.

Қазіргі уақытта Маңғыстау облысының АЖҚС иелері бизнестің әлеуметтік жауапкершілігі аясында бастамашылық тәртіппен газ құнын литріне 120 теңгеден 85-90 теңгеге дейін төмендету туралы шешім қабылдады.

 

Баға дәліздерін белгілеу арқылы бағаның ұзақ мерзімді тұрақтылығын қамтамасыз ету және газ бағасының алыпсатарлық көтерілуіне жол бермеудің жүйелі шаралары жүзеге асырылатын болады.

 

Үкімет, Маңғыстау облысының әкімдігі прокуратура органдарымен бірлесіп, қоғамдық тәртіпті бұзумен байланысты болған оқиғаны құқықтық бағалау бойынша шаралар қабылдайды.

Естеріңізге сала кетсек, бұған дейін Мемлекет басшысы Қасым-Жомарт Тоқаев твиттердегі парақшасында  Үкіметке Жаңаөзендегі жағдай бойынша тапсырма бергенін хабарлаған болатын. 

Пікір жазу
  • Эпидемиолог алматылықтарды омикрон штамы келгенге дейін вакцина алуға шақырды
    Бүгін – Жалпыұлттық аза тұту күні

    Ұқсас тақырыптар