Кеше ҚР Ақпарат және қоғамдық даму министрі Дәурен Абаев Қазақстанда коронавирус жұқтырған 2 адам емделіп, жазылғанын хабарлаған болатын. Бүгін Алматы қалалық Қоғамдық денсаулық сақтау басқармасының баспасөз қызметі бұл 2 адамның Алматы тұрғындары екенін растады. Алматыда емделіп жазылған 2 адамның ертең емханадан шығатынын хабарлады.
Осы уақытта Қазақстанда коронавирус жұқтырғандардың саны 97-ге жетті. Нұр-Сұлтан қаласы бойынша 55 адам, Алматы қаласында – 34 адам, Қарағанды қаласында - 2, Шымкент қаласында - 2 адам, Алматы облысында - 1 адам, Ақтөбе облысында - 1 адам, Жамбыл облысында -1 адам, Солтүстік Қазақстан облысында - 1 адам.
