Бұрынғы министр Нұрлан Ермекбаев Қазақстан Республикасы президентінің көмекшісі – Қауіпсіздік Кеңесінің хатшысы қызметіне тағайындалды.
Ал оның бұрынғы лауазымы — Дін істер министрлігіне жаңадан басшы болып Дархан Қалетаев келді деп хабарлайды Ақорданың баспасөз қызметі.
Мемлекет басшысы Нұрсұлтан Назарбаев Дархан Кәлетаевты Қазақстан Республикасының Дін істері және азаматтық қоғам министрі қызметіне тағайындау туралы жарлыққа қол қойды, деп хабарлайды Ақорданың баспасөз қызметі.
«Дархан Аманұлы Кәлетаев Қазақстан Республикасының Дін істері және азаматтық қоғам министрі болып тағайындалсын», — деп жазылған жарлықта.
Мемлекет басшысының жарлығымен басқа жұмысқа ауысуына байланысты ҚР Парламенті Сенатының депутаты Дархан Кәлетаевтың өкілеттігі тоқтатылды. Бұл министрлікті бұған дейін басқарған Нұрлан Ермекбаев Қазақстан Республикасы Президентінің көмекшісі – Қауіпсіздік Кеңесінің хатшысы қызметіне тағайындалды.
Дархан Кәлетаев 1972 жылы 14 қазанда Шығыс Қазақстан облысы Тарбағатай ауданы Тұғыл (Приозерное) кентінде туған.
1994 жылы Шығыс Қазақстан мемлекеттік университетін тарихшы мамандығы бойынша бітірді. 1996-1997 жылы ҚР президенті жанындағы мемлекеттік басқару ұлттық жоғары мектебін бітірген. Әр жылдары мемлекеттік қызметте басшылық қызметтер атқарды.
2007- 2008 жылдары Қазақстан Республикасы президенті әкімшілігі басшысының орынбасары болды. 2008-2009 жылдары «Нұр Отан» ХДП төрағасының бірінші орынбасары және ҚР президентінің кеңесшісі қызметін атқарды. 2009 жылдан бастап «Самұрық-Қазына» ұлттық әл-ауқат қорының басқарушы директоры лауазымында болды. 2016 жылдың қазанында сенат депутаты болып тағайындалды.
Jebeu.kz
